Denim on denim

Denim on denim er tilbake og enklare å style enn du trur. Kombiner ei klassisk jeansskjorte med ei jeansbukse i lik eller kontrasterande vask for eit gjennomført uttrykk. Hald snittet reint og la teksturane spele saman. Resultatet er avslappa, moderne og tidlaust kult, ein look som funkar like godt til kvardag som til bytur.

Eit fint døme på kor lett denne trenden kan løftast, er settet me har fått inn frå Camilla Pihl: Jace jeans kombinert med Marly shirt med små dotted-mønster. Her får du denim-uttrykket, men med ein subtil detalj som gir antrekket meir liv. Når du stylar denim på denim, handlar det om balanse, la passform og små kontrastar skape interesse utan at det kjennest overarbeidd. Det er heller ingenting som viser ein avslappa stil betre enn å kombinere denim-looken med chunky smykker. Store øyreringar eller markante detaljar gir ein kul kontrast til det røffe stoffet og løftar heilskapen utan at det blir for pynta. La denim-teksturen få spele hovudrolla, medan smykka tilfører personleg preg og attitude.